Saturday, October 17, 2009
სახლში ბევრნი ვცხოვრობთ. იმდენად ბევრნი, რომ რიგ-რიგობით ვფხიზლობთ. ჯერ ერთი, მერე მეორე, მერე სხვა და ასე დაუსრულებლად. რომ დაიღლებიან, ისევ საღათას ძილს მისცემენ თავს და სხვები იღვიძებენ.
მკვლელსაც კი წააწყდებით აქ, ოღონდ სხვებთან შედარებით პატარაა და ღრმა ძილი იცის. პრინციპში, ჯერ ნორმალურად გამოფხიზლებული არც მინახავს. ხანდახან თუ გაახელს ხოლმე თვალს.
ჰოდა, თუ ოდესმე შეიშმუშნება მკვლელი, ან ვინმეს დაუდევრობით ძილს გამოეგლიჯება, სახლში დიდი აურზაური იწყება. მშიშარა ისტერიულად იღვიძებს და კანკალებს, ღვთისმოშიში მუხლებზე ეცემა და ლოცვებს ბუტბუტებს, მომღერალი იავნანას უღიღინებს მკვლელს, ცინიკოსი ქირქილებს. პოფიგისტი ყველაზე კაი ტიპია - თავსაც არ წამოსწევს, ისე გადახედავს დანარჩენებს, პოპულარულ მისამართზე გააგზავნის და ისევ იძინებს. მაპატიეთ და, ჰკიდია! ხომ ვთქვი, კაი ტიპია, მეთქი?!
ცინიკოსი იმდენს დასცინის ასეთ შემთხვევებში, ლამის გული წაუვიდეს. ფეხისწვერებზე მიეპარება ხოლმე და ათას საზიზღრობას ჩასჩურჩულებს. რომანტიკოსს დახუჭული თვალები ენამება, ცრემლი გზას ადვილად პოულობს და ორ პატარა მდინარედ გადაიქცევა. ცინიკოსი ველურად ხარხარებს. ერთობა.
პრაგმატისტი წარბაზიდული აკონტროლებს სიტუაციას, მერე "კმარაო", შეჰკივლებს და ყველა ჩუმდება. ცოტა ხანს შეიფერებს ლიდერობას და სრულ მორჩილებას, მერე იღლება, ეძინება.
29 წელიწადია ვაკვირდები ამ უცნაურ ოჯახს... და ძალიან მინდა... ძალიან, ძალიან, ძალიან... ერთხელ მაინც გავაგზავნო პოპულარულ მისამართზე ყველა ერთად და მერე ცალ-ცალკე. თუმცა ვერ მემეტებიან!
9 comments:
ერთი მე გამაგდებინა ჩემი "სახლიდან" პოფიგისტი მეტი არაფერი მინდა.
არა სხვა საინტერესო ტიპები მეცა მყავს მაგრამ შენი თმისა არ იყოს, ვერ მემეტებიან.
აუ, რას ამბობ, დიმ, პოფიგისტი, კაკ რაზ, ყველაზე მაგარი ტიპია... :))))
და როცა სარდაფის კარზე კაკუნია?..
ოოოო.... როცა სარდაფის კარზეა კაკუნიიი.... ჰა! ს იუმორომ ი ს ზაკოვირკოი ვოპროს, როდნაია! მნე ნრა! :) მაგას ლაივში, საყვარელო, ლაივში! :))))
რამეთუ ზოგ ოჯახის წევს ვიცნობ კარგად და ზოგთან უბრალოდ გამარჯობა მითქვამს, გავოგნდი როცა გავიგე რომ რომანტიკოს აჩმორებენ. ანარადა მაგარი ტიპია :)
აჩმორებენ არ ქვია მაგას, გრიშ. სხვა სიტყვა მოუხდებოდა უფრო, მაგრამ ცენზურა და ამბავი.... ბავშვები გვიყურებენ, უხერხულია! :)))))00
ისე საყვარლად აღწერე საკუთარი ოჯახი, რომ ძალიან მომეწონა.
მე შენს ოჯახს საერთოდ არ ვიცნობ, მაგრამ მივხვდი რომ მკვლელი პატარა ბავშვია, ხოლო მომღერალი – დედამისი.
შენ რომელი ხარ ამათში???
Kate, saintereso interpretaciaa, didi madloba, magram ojaxi ar migulisxmia. (angel) :) grigolma "sxva ojaxi" igulisxma! :):):)
P.S. saxlshi bavshvebis nacvlad 2 dzagli myavs :):):):)
რა მხიარული ოჯახია
კარგი ფილმი გამოვიდოდა ამ სცენარისგან
პოფიგისტი რა კაი ტიპია :D
Post a Comment